സ്കൂൾ വാർഷികാഘോഷവും വിരമിക്കുന്ന അധ്യാപകർക്കുള്ള യാത്രയയപ്പും

 സ്കൂൾ വാർഷികാഘോഷവും വിരമിക്കുന്ന അധ്യാപകർക്കുള്ള യാത്രയയപ്പും സംഘടിപ്പിച്ചു

വെള്ളമുണ്ട:

വെള്ളമുണ്ട ഗവൺമെൻറ് മോഡൽ ഹയർ സെക്കൻഡറി സ്കൂൾ 67ാം വാർഷികാഘോഷവും വിരമിക്കുന്ന അധ്യാപകർക്കുള്ള യാത്രയയപ്പം സംഘടിപ്പിച്ചു.

2025 ജനുവരി 13 തിങ്കളാഴ്ച രാവിലെ 9 മണിയോടെ പരിപാടികൾ ആരംഭിച്ചു.

 വാർഷികാഘോഷം കേരള സംസ്ഥാന പട്ടികവർഗ്ഗ വികസന വകുപ്പ് മന്ത്രി ശ്രീ ഒ ആർ കേളു  ഉദ്ഘാടനം ചെയ്തു.

 മാനന്തവാടി ബ്ലോക്ക് പഞ്ചായത്ത് പ്രസിഡൻറ് ശ്രീ ജസ്റ്റിൻ ബേബി അധ്യക്ഷത വഹിച്ചു. സ്കൂൾ പ്രിൻസിപ്പാൾ ഡോ. ശേഖർ എസ് സ്വാഗതം ആശംസിച്ചു. ഹെഡ്മിസ്ട്രസ് ഫാത്തിമത്ത് ഷംല ടീച്ചർ റിപ്പോർട്ട് അവതരിപ്പിച്ചു.

വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി വിരമിക്കുന്ന അധ്യാപകർക്കുള്ള ഉപഹാരങ്ങൾ നൽകി.

സ്കൂൾ പിടിഎ പ്രസിഡണ്ട് പി കെ അമീൻ അധ്യാപകർക്കുള്ള മംഗള പത്രങ്ങൾ വിതരണം ചെയ്തു.

ദീർഘകാലത്തെ സേവനത്തിനുശേഷം സർവീസിൽ നിന്നും വിരമിക്കുന്ന വിദ്യാലയത്തിലെ ഹിന്ദി  അധ്യാപകൻ നാസർ സി, ഹിന്ദി അധ്യാപിക സുമി സെബാസ്റ്റ്യൻ , ഓഫീസ് സ്റ്റാഫ് പ്രസന്ന എ, തുടങ്ങിയവരെ ചടങ്ങിൽ ആദരിച്ചു.

വെള്ളമുണ്ട ഗ്രാമപഞ്ചായത്ത് അംഗം ശ്രീമതി പി കല്യാണി , മാനന്തവാടി ബ്ലോക്ക് പഞ്ചായത്ത് അംഗം ബാലൻ വെള്ളരിമ്മൽ, സ്കൂൾ എം പി  ടി എ പ്രസിഡണ്ട് സൽമത്ത് ഇ കെ , എസ് എം സി ചെയർമാൻ പികെ സലാം തുടങ്ങിയവർ ആശംസകൾ അർപ്പിച്ചു. ഹയർ സെക്കൻഡറി വിഭാഗം സ്റ്റാഫ് സെക്രട്ടറി എൽദോസ് ടിവി നന്ദി പ്രകാശിപ്പിച്ചു.

 തുടർന്ന് വിദ്യാർത്ഥികളുടെ വിവിധ കലാപരിപാടികൾ സംഘടിപ്പിച്ചു. പി ടി എ യുടെ നേതൃത്വത്തിൽ കുട്ടികൾക്ക് വിഭവസമൃദ്ധമായ ഉച്ചഭക്ഷണം നൽകി.